影片
更多
2013-10-09
32 浏览
早几日𠮶friend 话去试菜，试私房菜，但系竟然系间面店度？咁有趣就紧系试试啦。原来呢间蟹面膳啱啱新开，D师傅之前有做开私房菜，呢个场系中环，夜晚都冇咁多客食面架喇，咪试下推私房菜啰。系面店食私房菜，真系第一次。蟹肉冬蓉羹，真系大乡里，未食过，上枱时重以为系翅，𠮶师傅话佢出道𠮶阵好多酒家摆酒唔食翅就通常食呢味，不过近呢十几二十年都冇乜人做㖞，因为功夫多。呢个羹上枱时超热，啱晒我心水，一饮第一样嘅感觉系，咁鲜甜嘅？唔通落味精？问𠮶师傅，佢话系因为用左真正蟹汤做底，所以有呢种效果。佢重话全部𩠌菜一样都冇落味精，呢样嘢就唔使人讲嘅，食完返屋企，咦，真系冇口渴㖞。得。另一样好食嘅系蟹粥，粥底得呢样唔奇怪，话晒都系蟹店吖嘛，竟然用只大花蟹摆系面，即系话用左一D蟹煑粥取其味，再用另一只花蟹上枱等食起黎唔会冇哂味，只花螚好新鲜同厚肉，真系唔食对唔住自已。有赞都有弹，有几味其他嘅，例如黄金虾佩番茄面，大只粉丝元贝，豉油皇炒面，同埋金不换炒蚬，火候同味道嘅掌握都唔错，但系上枱都系唔够热，以小店黎讲厨房系正格离，呢样野要改善喇。讲开又讲，𠮶两个师傅(唔通系老细?)系我地食到咁上下𠮶阵都有出黎吹下水，听下
原来呢间蟹面膳啱啱新开，D师傅之前有做开私房菜，呢个场系中环，夜晚都冇咁多客食面架喇，咪试下推私房菜啰。系面店食私房菜，真系第一次。
蟹肉冬蓉羹，真系大乡里，未食过，上枱时重以为系翅，𠮶师傅话佢出道𠮶阵好多酒家摆酒唔食翅就通常食呢味，不过近呢十几二十年都冇乜人做㖞，因为功夫多。呢个羹上枱时超热，啱晒我心水，一饮第一样嘅感觉系，咁鲜甜嘅？唔通落味精？问𠮶师傅，佢话系因为用左真正蟹汤做底，所以有呢种效果。佢重话全部𩠌菜一样都冇落味精，呢样嘢就唔使人讲嘅，食完返屋企，咦，真系冇口渴㖞。得。
另一样好食嘅系蟹粥，粥底得呢样唔奇怪，话晒都系蟹店吖嘛，竟然用只大花蟹摆系面，即系话用左一D蟹煑粥取其味，再用另一只花蟹上枱等食起黎唔会冇哂味，只花螚好新鲜同厚肉，真系唔食对唔住自已。
有赞都有弹，有几味其他嘅，例如黄金虾佩番茄面，大只粉丝元贝，豉油皇炒面，同埋金不换炒蚬，火候同味道嘅掌握都唔错，但系上枱都系唔够热，以小店黎讲厨房系正格离，呢样野要改善喇。讲开又讲，𠮶两个师傅(唔通系老细?)系我地食到咁上下𠮶阵都有出黎吹下水，听下佢地点样试唔同嘅方法去煮𩠌，真系觉得佢地几有Heart，香港要多D呢D有Heart嘅人。小店要多D支持。
总括黎讲，呢间店值得一试，特别系上面提𠮶几样招牌嘢。
张贴
