豚道樂 (大河道) (已結業)

对豚道乐有两个评价：靓装+足料装修真系又靓又有心思。长枱上嘅天花挂住剑球同樱花，将空间划分。拉面舖有木牌写菜名一啲都唔特别，呢度特别在用滑板代替木牌，夸张突出，甚具玩味。仲有充电位。拉面方面可能系海老汤嘅关系，味浓而且几咸，唔系话个个香港人都啱口味。但呢度啲拉面比起好多舖头足料。我碗松叶蟹海老蕃茄汤拉面已经自动系特上价，即系有蛋、紫菜等等。因为个汤本身都几咸，所以蕃茄味唔算好出，但都睇到汤底偏红。蟹量惊人！本来以为呢啲gimmick嘢都系少少蟹碎就算。点知食完蟹脚仲有大量蟹肉，图中未计浸咗喺汤入面嘅蟹肉。可以拣幼/粗身面。溏心蛋有水准，钱加得过。阿爸食嘅系海老拉面。汤底应该就系我𠮶碗减蕃茄，味一样偏咸。大量虾米，带咸香，如果个汤本身清啲应该会更发挥到佢哋嘅用途。拉面入面嘅叉烧吸咗汤汁油脂味唔太突出，所以呢客蒜蜜叉烧反而更好。蜜味香甜，烧过嘅腩肉有油香。小食种类几多，可惜较特别嘅炸物今日冇。呢个...拉面常客应该唔陌生。我就第一次饮嘅...饮佢都系满足吓好奇心，如果唔好奇嘅就拣过第二款啦。想坐好啲食碗拉面不妨嚟吓，不过讲到拉面本身就要视乎你哋系咪嗜咸喇。