漁之部屋 (已結業)

最钟意就系食放题啦！因为放题入面够多野食，同咩Friends去都总有心水选择，解决晒所有人既喜好，唔洗烦！今次同朋友黎到呢间渔之部屋食放题，质素唔差呀！ 去得放题，梗系疯狂食刺身。第一盘就有三文鱼、拖罗、吞拿鱼、蟹脚。刺身劲新鲜，平时去个D放题餐厅都净系得吞拿鱼食，冇谂过呢度都有拖罗食，真系好Surprise！油分丰富，够晒肥美！ 仲有渔之部屋既蟹脚，个蟹钳超多蟹肉！！真系劲正啰～出面食过既蟹脚，D肉得劲少，一啖就食晒。比起呢度既蟹脚够晒足料，净系食蟹脚都抵呀！一定要点！推介推介！ 火焰大虾芝士烧，虽然有少少冻左，但系芝士痴左落大虾度，一放到入口D芝士同虾个味道劲Match！ 除左有罐装饮品外，渔之部屋都有特式饮品～好似日本梅酒，细细杯饮都几好架！ 因为我真系太中意食刺身啦，我发觉得完全冇点过烧物同热食，几乎每次都系点刺身。杂锦刺身沙律连埋D菜，有埋D蛋、蟹柳、吞拿鱼粒、三文鱼粒，都几清新！ 最后食甜品～食左个迷你香蕉船，真系几Mini，不过都好既，废事浪费呀嘛！