蟹仙海鮮蒸氣鍋 (已結業)

作为九龙人的我，真的好少好少来到元朗，难得来到元朗，当然要到处找找有什么好地方食晚餐喇。行行下见到只大蟹，已经心动了因为真的好久没有吃蒸海鲜了。。一坐下来，已经急不及待为我们介绍种种的套餐有咩分别。。。最后我们选左个298套餐，仲加左钱转只大龙虾。而蟹方面有两种，我们都钟意食蟹膏，所以都选择左膏蟹。。两个海鲜主角一到场，已经好令人兴奋，睇到d蟹膏同虾膏。。。d肉好鲜甜。。只龙虾啖啖肉又唔腻好正真系。元贝青口虽然唔多，但都好大只。。鲍鱼👍🏻👍🏻👍🏻唔好以为净下龙虾好食，普通虾都好正。。。好想食多几只。个粥底聚集哂全部精华，真系好正，又鲜又甜。。本身以为份量唔够要靠粥底饱肚，点知其实都好足够了，我们都系眼阔肚窄。。全程都系店员帮我地蒸，仲要每款都有讲解一下。感觉好亲切。