板長壽司 (已結業)

上星期三放学，返左湾仔既板前食sushi，因为想食蟹膏寿司唷~~八点几九点，都唔系好多人等位，等左一阵就有得入座，在座既食客有三分一都系外国人，坐我地隔离枱既讲既都唔系英文(似法文，德文之类啦) 应该都系旅游书有介绍而黎既旅客！环境都ok ，系迫左少少，但都ok 既，侍应既服务态度都好好，斟茶呢啲动作都几勤快。不过呢，有时客人既order 会乱左。讲到食物，佢既质素同板前差唔多，但系一件件计，可以唔驶一定要叫一碟两件同朋友share, 唔驶食自己唔like 食既野食，可以order 晒自己钟意既sushi！呢样系好既地方。而且有我钟意食既蟹膏，佢系蟹膏军舰黎，一半系蟹肉一半系蟹膏，好好味唷，可能我钟意食蟹既关系。朋友仔都觉得好味！另外我食虾膏军舰比较淡口，都系蟹膏香浓啲唷~~海胆都唔错，都几新鲜同份量都ok！最紧要冇啲青瓜系度，系成件军舰都系海胆黎！个沙律都几好味，不过蟹肉同牛油果都好少，不过都ok 既！三文鱼三蚊件好抵食，钟意食可以食多几件！三文鱼腩就略为唔够肥美了！蟹棒就唔得了... 唔够鲜味，味道有啲古怪....总括黎讲都系好味的，会再黎食过唷~~~~~~