西貢越南真味

营业中

休息中

唔想去商场的话，去九龙城揾食都系一个 good idea . 贪佢够多选择，而且好多都系出名好味又正宗，例如呢间越南菜。店长推介的蟹膏扎肉汤檬，讲真响其他越南菜馆真系少见，一于试试佢。鲜虾蟹膏扎肉汤檬 $78火辣辣的橙红蟹膏汤檬到了，除了扎肉仲有虾同肉丸。成碗粉的精髓在于个蟹膏汤，真系好浓的蟹膏味，而且加入了蕃茄，甜甜酸酸几开胃。有个靓汤底，其实配乜都好好食，呢个汤檬真系必食，推介！火车头牛肉锅粉 $88叫得做锅粉，皆因佢真心坚大碗，系 jumbo size来架，男人食都够晒饱。好足料，有生熟牛肉、牛丸、牛𦟌、牛根、牛柏叶同萝卜等等，牛骨汤底几鲜甜，亦唔觉有加味精。加点青柠同辣椒，更惹味。可乐凉粉冰 （跟餐半价）$14 呢个组合几特别，第一次试咋，又 ok 㖞，没有违和感。椰汁凉粉冰 （跟餐半价）$14呢个系朋友饮的，佢话椰汁好香，唔太甜，几得。