蟹麵館 (已結業)

之前已经听过朋友推介中环有一间以蟹汤做招牌既汤面店，今次专程过嚟试下。先讲小食，叫左一份葱油海蜇，海哲本身够爽口，葱油亦香，可惜味道偏淡；醉蛋，一上台已经好香花雕酒味道，糖心蛋黄，入口半溶状态，连女仔朋友都觉得好好味；鲜蟹肉干烧伊面，一丝一丝既蟹肉混入干烧伊面内，啖啖鲜味，而配上既蟹汤果然系招牌，香浓蟹味，好鲜甜，真系想问佢添饮；手拆鲜蟹肉泡饭，份量十足，铺上大堆鲜蟹肉，真材实料，绝对比外面既"仿蟹肉"好食得多，而泡饭已经索哂蟹汤，粒粒蟹香味，比刚才配上既蟹汤更鲜甜，更香浓，难怪眼见旁边有唔少人点呢个泡饭。值得提一提，佢地个自家制辣菜脯，辣得嚟有dd蒜香，令人不停咁加。