路邊煱 (已結業)

约了班大学同学Dinner, 大家对食咩都冇咩意见。咁岩见到其他人POST 呢间路边㶽既相, 见到有蟹汤火㶽提议左试呢间。去到大约7点,都几多人下。好在住得近既大同力左位先!黎到呢度当然一定要叫最吸引我既花甲蟹㶽啦!点知原来有我最憎既芫荽心谂呢餐唔洗食啦 , 点知个汤好香好浓, 完全食唔到D芫荽味!太感动了叫得呢个蟹㶽当然要食佢入面个蟹啦, 个蟹㶽上左一阵1分钟都冇, D姐姐就同我地讲"食得架啦!"个蟹真系好食到不得了, 好多蟹膏D蟹肉好鲜好嫩, 蟹膏又多又肥美, 正有咁大只蟹系入边, 个汤当然系好好味啦!而且好重胡椒味,好香浓!另外叫左D小食:金砖豆腐,手拍青瓜咁, 都整得好好味可以叫黎送,虽然我地冇.... 手打四宝丸,我冇食齐四种, 但食左既都好弹牙!鹅肠睇落都好似好肥美, 虽然我冇食到.....招牌肥牛拼盘, 呢个不得了! 有不同牛部位, 颈脊、胸爽、脷托、和牛粒.....D牛好好食,肉质软腍,牛味好足,必食 ! 广岛蚝,新鲜好味!基围虾好抵$68only!佢放到咁我仲以为我地叫左个甜品虾好大只,新鲜!!水饺, 正常!又系大大只既~依家又开始挂住个花甲蟹㶽啦~真系好好好好味!