相馬日式火鍋 (已結業)

话说上星期喺社交平台见到呢间日式放题有任食大闸蟹，忍唔住腥咗俾同为蟹迷嘅朋友🦀不出我所料，佢即刻回覆叫我快啲订位😝食得出餐厅有挑选过大闸蟹，只只肉质饱满又爆膏，加上任食真系过足口瘾！各位蟹迷唔好错过，毕竟过咗呢个季节又要等到下年㗎喇😫🌟牛肩胛肉质带有咬劲但一啲都唔韧，牛味极之浓郁🐮配搭胡椒鸡汤，唔需要额外再点任何酱汁，经已甘甜鲜香十足！😋😋😋🌟任食海鲜超多款🤩当中最令我难忘嘅系鲍鱼同带子，鲍鱼腍滑爽身又juicy，带子厚肉滑溜且鲜甜。今次用餐体验唔错🥰店员服务态度好，上菜速度快。食物款式包罗万有，放题嚟讲绝对系水准之上！