奈良上釜 (已結業)

系登龙街定价几进取嘅日本菜铺头，釜饭系香港比较少见，难得今日朋友生日，于是就去试下呢间啦入到去铺头比较窄，唔算好宽敞，我地8点几入到去铺头都差唔多full 晒。我地叫咗两份蟹釜，一个牡蛎釜（姐系蚝)，同埋天妇罗海胆做小食。原本其真对于铺头唔系话好大期望，因为唔系成日见好多人会排队黎食可能太贵吧！佢首先会黎咗有6味小食嘅前菜先，入面个茶碗蒸真系好好食！之后到釜饭，食落非常有惊喜，因为意想唔到地啲饭好入味，而且份量绝对唔吝啬，起码每个釜饭有两碗饭嘅份量，蟹肉量都唔系薄薄一层，系食到啖啖肉，而且有饭焦，日式煲仔饭feel好惹味，非常饱肚。友人都有赞佢个个蚝好入味！至于个海胆天妇罗就咁岩食到一旧比较苦，一旧就鲜甜得多，所以都几睇彩数，睇下你食个只蚝拣得新唔新鲜对于差唔多二百蚊一个饭黎讲系有啲贵，不过真系几好食架！