影片
更多
2017-05-05
761 浏览
嘉兰围喺一条颇奇特嘅小街，晌连接加连威老路嘅入口，好唔起眼，但一转入嚟嘉兰围就有少少另一片天嘅感觉，甚至百乐酒店嘅正门开晌嘉兰围都唔开晌金马伦道。讲到嘉兰围，一条短短环形内街，就已经有成6间食肆插旗，讲到Oyster Cove，若非睇到食友P嘅食文，小弟真喺以为佢喺间酒吧嚟。门面顶位贴有啤酒横额，走入店内又一派酒吧嘅格局，全店都喺高脚枱櫈，真喺唔好怪小弟认定佢喺间酒吧多过间餐厅，建议店家不妨晌门口摆放啲印有海鲜、热盘食物相嘅易拉架或海报，强调番佢喺唔止有酒饮，仲有好多菜式。其实，除咗依份「错觉」，一室黑白格调，黑白地砖，白底黑字墙身，环境精简得嚟够型格，而且，枱櫈排得又无话好挤拥，整体感觉唔错。先讲讲饮品，一系列Signature Seafood Cocktail，顾名思义就知喺配海鲜嘅鸡尾酒，仲有其他鸡尾酒、红白餐酒、有汽葡萄酒、啤酒及少量非酒精饮品。Pineapple Crush $48小弟一向钟意菠萝，所以，拣呢杯Pineapple Crush，有少少什果宾治嘅风味，但主要都喺菠萝味为主，几清甜，感觉唔喺太人工化，面面加咗少少石榴红糖水调色，加多少少做到有啲彩虹感仲靓。Red F
门面顶位贴有啤酒横额，走入店内又一派酒吧嘅格局，全店都喺高脚枱櫈，真喺唔好怪小弟认定佢喺间酒吧多过间餐厅，建议店家不妨晌门口摆放啲印有海鲜、热盘食物相嘅易拉架或海报，强调番佢喺唔止有酒饮，仲有好多菜式。其实，除咗依份「错觉」，一室黑白格调，黑白地砖，白底黑字墙身，环境精简得嚟够型格，而且，枱櫈排得又无话好挤拥，整体感觉唔错。
先讲讲饮品，一系列Signature Seafood Cocktail，顾名思义就知喺配海鲜嘅鸡尾酒，仲有其他鸡尾酒、红白餐酒、有汽葡萄酒、啤酒及少量非酒精饮品。
Pineapple Crush $48小弟一向钟意菠萝，所以，拣呢杯Pineapple Crush，有少少什果宾治嘅风味，但主要都喺菠萝味为主，几清甜，感觉唔喺太人工化，面面加咗少少石榴红糖水调色，加多少少做到有啲彩虹感仲靓。
Red Fruit $32 x 2友人要咗一杯「红果」果汁，朋友话味道有啲似利宾纳，但感觉清爽。
再细阅主餐牌，设计精美，头几页全部都喺海鲜类。海鲜中，以生蚝为主打，而生蚝类，则以法国蚝为主打，足有9款之多，不过，其他国家嘅生蚝亦有唔少选择，共14款。之但喺，唔喺款款都有，视乎货源及是否当造，店员话一般都会有十多款供应，更补充多句，唔靓都唔卖俾客，费事做坏餐厅个名。此外，仲有廿多款其他种类嘅海鲜，如波士顿龙虾、法国膏蟹、阿拉斯加长蟹脚、马粪海胆、纽西兰刀背蚬、北海道赤贝……等等，不少都喺拣手嘢。
部份海鲜喺时价发售，如果你怕失预算，又无乜偏好，样样都食得嘅话，生蚝拼盘或海鲜拼盘喺上佳嘅选择。
仲有就喺，波士顿龙虾及阿拉斯加长蟹脚依两款海鲜，更刻意提供唔同食法俾客人拣，例如长蟹脚可拣清蒸冻食、牛油香煎、松露煎、做意大利饭……等等。海鲜选择实在多，店员都会概略介绍吓啲海鲜，佢哋都好熟知啲海鲜特别，大可讲讲自己喜好，叫佢哋俾俾意见。
海鲜外，菜式选择仲有汤品、忌廉炒蛋、沙律、主菜、意大利面及意大利饭，所以，唔使惊净喺得海鲜咁单一。
生蚝拼盘抵就超抵食，不过，一次要食一打，兼当中款式喺由店家指定两款，我哋又唔喺钟意食蚝到狂食嘅地步，而海鲜拼盘其实亦喺唔错嘅选择，不过部份食材友人唔太啱。结果，拣几款心水海鲜，而生蚝则由店员帮我哋拣4款各有特色嘅。睇见我哋嘅海鲜拼盘上枱时，就喺好吸引，店员除再介绍多一次啲海鲜外，生蚝方面更建议食用前后次序，而佢个海鲜架实在太高，我哋索性将盆海鲜放上枱面慢慢叹。
Honey Point $29几款生蚝中，Honey Point外型极之的骰，作为热身真喺唔错，因为佢蚝味唔算好重，亦唔会太咸，彷佛带少少甜味，口感偏向软绵、柔滑，跟之后所食到嘅蚝有明显嘅对比。
South Africa Rock $31第二只所试嘅South Africa Rock，体形非常大，味道跟口感明显比Honey Point颇唔同，口感爽脆外，海水味较浓，但𠮶份咸味感觉佢易入口，唔会冚过啲蚝味。
South Africa Rock
$31
12 浏览
0 赞好
0 留言
La Perle Noire $39同样体形大嘅La Perle Noire，个人觉得跟South Africa Rock有啲似，同样口感爽脆，海水味重，但嗒落会觉得蚝味更浓。试完3款蚝要抖一抖，因为最后一只Belon比较霸气啲，店员建议我哋先食埋其他海鲜先再食佢。
Cherry Stone Clam $38车厘蚬非第一之接触，不过，以往都喺热食，多数香酒煮，今次则应该喺第一之生食，是晚更做紧买一送一优惠。色泽带点粉红而亮丽，肉质爽口，清爽鲜甜，跟热食喺完全两个唔同嘅感觉。
北海道赤贝 $78继续仍然喺贝壳类海鲜，赤贝嘅外壳有啲似粒巨型狮蚶，而橙红富光泽嘅赤贝肉切成小件，入口有种弹牙感得嚟有点烟韧，味道上唔喺话好有个性，但绝对好鲜甜。
法国蓝虾 $58虾类选择有纽西兰深海龙虾仔、地中海红虾、法国蓝虾、牡丹虾、法国BB虾，款款当然都想试，但以法国蓝虾最陌生，从来未食过，所以，拣咗佢。啲蓝虾去晒中间啲壳位，方便食用，虾肉真喺带点点淡蓝色，食落口感几得意，先喺爽爽哋，再咬落就喺黏滑而柔韧嘅感觉，又极有虾鲜味，咪错过虾头嘅虾膏，甘香丰腴，好值得推介。
法国蓝虾
$58
23 浏览
0 赞好
0 留言
阿拉斯加长脚蟹脚 $298餐牌标示价钱为$238-$328，视乎只蟹脚大细，所以，定价有啲主观，不过，食得海鲜就唔可以样样斤斤计较，况且，除大细之外，味道质素都好重要。有时食自助餐都同样有长蟹脚食，但真喺唔同一个级别，依只阿拉斯加蟹脚真喺坚好食，唔单肉厚，味道新鲜，海水味自然，蟹味浓郁，可以讲回味无穷。虽然店方有其他食法俾大家拣，但清蒸冻食个人觉得先唔会嘥咗蟹脚嘅鲜味。
阿拉斯加长脚蟹脚
$298
11 浏览
0 赞好
0 留言
Belon $68轮到最后一款冻海鲜，就喺法国蚝嘅Belon，店员话喺属000嘅级别（喺重量分级，一般最大去到00000），体形比较圆润。果然确喺需要留到最后先食，因为金属味及海水味最重喺佢，咸度亦自然相对过，加咗少少柠檬汁作缓冲，口感爽脆，最特别之处余韵长，过咗一阵都仲有朕蚝味晌口腔内。
Belon
$68
22 浏览
0 赞好
0 留言
龙虾忌廉炒蛋 $78冻食过后来一客热食嘅忌廉炒蛋，卖相精致，配上两件蒜蓉包及黑醋沙律。加咗洋葱粒嘅炒蛋唔算得好滑溜，但质感都炒得软绵，富蛋香，细味下确有点点忌廉味。而讲得龙虾，真喺坚有两大件龙虾肉，配上炒蛋，搭蒜蓉包食，一流㖞。
龙虾忌廉炒蛋
$78
15 浏览
0 赞好
0 留言
非洲虎虾意大利饭 $318几款意大利饭有谂过点带子意大利饭，但店员推介非洲虎虾意大利饭，话新期嘅重点推介，落单时，佢更问过啲饭要谂啲定硬身啲？忠于传统，梗喺要硬身啲口感啦！老实讲，虎虾食过唔少，但非洲虎虾的确甚有睇头，斋睇个虾头够晒霸气，啲虾肉爽身弹牙，好有虾味，而饭粒烟韧有咬口，恰到好处，配上香浓蕃茄汁底，真喺一流！
非洲虎虾意大利饭
$318
27 浏览
0 赞好
0 留言
全部海鲜食得出都喺上乘之选，尤其啲生蚝，种类多，定价唔高。热盘亦做得有水准，尤其个意大利饭。所以，想食得精，又唔介意豪番一次，Oyster Cove喺个唔错嘅选择。
张贴
