影片
更多
2018-09-08
2161 浏览
本身唔算喺生蚝痴，但去到有卖蚝嘅餐厅，或有生蚝供应嘅自助餐，都会少试数只。因为，难得自已嘅肠胃OK，无理由又唔品尝呢种天然美食。食生蚝就最简单，即开即食，最原味，最新鲜，唔使搞咩花巧去烹调。最近，透过友人介绍，知道曾经人称蚝王嘅John Steward晌上环尾同友人合拍开咗间蚝吧餐厅「八蚝吧」，所以，今晚一于嚟八吓。由上环站行过嚟都唔喺好远，不过，餐厅就位处内街，对一般唔熟上环嘅人喺有啲难揾。餐厅嘅环境唔喺好大，但装修颇有情调。近餐厅尾嘅一边墙身，贴满John嘅杂志专访，就知佢来头唔细，蚝王之称唔喺浪得虚名。而全开放式厨房，睇到蚝王开蚝，亦睇到大厨做菜，做菜时嘅香气不时四散吸引食客。此外，环境中最特别之处，喺墙上挂咗唔少上环晌五、六十年代嘅黑白相，让整间餐厅，更添几分旧怀气息。嚟到主要嘅目的就梗喺食蚝，一入门口就见蚝王正在开蚝，而据介绍，每晚都会推出几款生蚝，贵精不贵多，全部法国货。而有咩款式，就会写晒晌白板试，每款都喺卖$55只，法国蚝嚟讲，应该都喺抵食。法国生蚝 @$553款生蚝都想试试，由碟边嘅柠檬角逆时针起计，由淡至浓分别喺Poesie、Mauger及Majestic，虽然对生
由上环站行过嚟都唔喺好远，不过，餐厅就位处内街，对一般唔熟上环嘅人喺有啲难揾。餐厅嘅环境唔喺好大，但装修颇有情调。近餐厅尾嘅一边墙身，贴满John嘅杂志专访，就知佢来头唔细，蚝王之称唔喺浪得虚名。
而全开放式厨房，睇到蚝王开蚝，亦睇到大厨做菜，做菜时嘅香气不时四散吸引食客。
此外，环境中最特别之处，喺墙上挂咗唔少上环晌五、六十年代嘅黑白相，让整间餐厅，更添几分旧怀气息。
嚟到主要嘅目的就梗喺食蚝，一入门口就见蚝王正在开蚝，而据介绍，每晚都会推出几款生蚝，贵精不贵多，全部法国货。而有咩款式，就会写晒晌白板试，每款都喺卖$55只，法国蚝嚟讲，应该都喺抵食。
法国生蚝 @$553款生蚝都想试试，由碟边嘅柠檬角逆时针起计，由淡至浓分别喺Poesie、Mauger及Majestic，虽然对生蚝嘅大家族唔算认识好深，但食过嘅总会对佢个名有啲印象，呢3款就反而真喺第一次接触。嚟之前都专登上网睇睇阿John嘅资料，佢已有30多年开蚝经验，手势流畅熟练，可以讲喺手艺非凡，而且，佢开蚝有佢独门技术，手法干净利落之外，更会切断带子位，再将蚝肉反转奉客，目的原来喺顺带检查一下蚝壳内壁嘅一个污水泡，虽然有嘅机会可能只有1%，却喺细心嘅表现，又令小弟长知识。
Poesie呢只蚝大有来头架，喺夺得法国农业部金奖嘅产品，外观肥美饱满，蚝肉带点爽脆，海水味唔会太浓，但回甘强。
Mauger呢款嘅味道层次比较丰富，同样，入口嘅海水味唔会过浓，但似喺有股香气，慢慢渗出鲜甜味，其实我都唔太肯定，但感觉确喺有少少独特。
Majestic相对地，3款蚝就以呢款蚝味较浓，带鲜甜味，回甘亦强，余韵持久。虽然伴有红酒醋及鸡尾酒酱，但小弟都喺钟意唧少少柠汁就最好。
而主餐牌好简单，一版A4纸就印晒出嚟，分前菜、主菜及意大利面，以及是日甜品，单睇菜式嘅名称，就知同样喺贵精不贵多。顺带一提，呢度喺无免费水供应，饮矿泉水收$40位，而梳打水就$50位。
前菜一共有8款，有蚝汤、沙律、墨西哥馅饼、西班牙火腿，较多元化。店员话嚟咗批新鲜法国青口，值得一试。
法国青口 $188咪睇啲法国青口细细粒，其实，佢哋嘅味道好鲜甜，肉质口感比较柔嫩，无一般食其他青口咁又韧又胶，而且，青口内唔会缠住啲杂草之类嘢，不愧为法国货。而且，以洋葱、烟肉加白汁爆香晒，非常好食，喜欢嘅话，更可以另加$32配薯条或蒜蓉多士，因为剩低嘅白汁伴多士相信都好正。唔觉唔觉，一份嘅青口估计都上百只，因为好似食极都有，但就几花时间吓。
主菜及意大利面方面，共有10款选择，5款主菜、5款意大利面，而主菜主要喺啲扒类，睇落且喺高质素嘅扒类，但单睇定价又唔算贵㖞。
伊比利亚西班牙黑毛猪架 $208餐牌标示为11安士，送到上枱，果然份量十足，而且，连骨嘅猪架，煎得金黄，十分有睇头，配上蒜片、一串露丝玛莉，令卖相更好睇。碟上仲放有玉桂苹果粒伴猪架食，而茄酱就梗喺用嚟点薯角啦。
件猪架落刀𠮶吓都几软腍，入口肉质唔似得肉眼、西冷𠮶种软腍，相反咬落有少少爽口感，且富肉汁；旁边有一抹芥辣，但小弟就钟意以玉桂苹果粒伴食，感觉更清爽，但喺，如果做成苹果蓉就更方便。而薯菜除有薯角，仲有车厘茄及菠菜叶，样样都处理过，非常好食。
是日甜品 $58甜点，餐牌中只有一项是日甜品，相信喺满足吓少部份客想餐后嚟一点甜。是夜嘅甜品喺「提拉米苏」，卖相有点点似个小盆栽。滔起一匙羹，就知喺以手指饼做，有微微咖啡酒香，马卡风芝士亦打得幼滑，带淡淡芝士香。个人嚟讲，喺嫌手指饼浸咖啡酒唔够透，整体质素属中等。
无论生蚝、前菜、抑或份猪架，食材用料本身都极高质素，烹调嘅手势相当出色。服务方面亦好贴心，好似我哋点咗青口，由于壳多，侍应都主动帮我哋换咗两次碟。喜欢食蚝嘅朋友，「八蚝吧」绝对满足到你！
张贴
