淥鼎記

营业中

休息中

冬天梗系打边炉嘅季节啊啦，打边炉坐最钟意就系拣任食，我同老公大食呀嘛😂一定系任食最抵😂之前嚟过呢度㗎喇，又平又抵食，性价比极高，而且环境装修又靓，又多卡位坐得舒服之外，食物质素都好OK！呢度可以食到好多唔同款式，打边炉之前可以先食主食，除咗可以拣惹味鸡煲之外，仲可以拣酸菜鱼，如果六位以上仲有得拣原条烤鱼！今次我哋汤底要咗澳门猪骨锅，非常足料嘅猪骨煲，最钟意猪骨汤底打边炉，会令到啲食材特别鲜甜㗎！呢度啲猪骨筒几靓，所以食到最尾一定要食埋啲骨头❤️啲猪筋煲到软绵绵可以食到满满嘅骨胶原㗎！女士们一定大爱！套餐价钱只需要二百几蚊，已经可以食到好多靓牛！作为牛魔王嘅我哋好钟意食呢度就系咁解！牛肉方面有得拣香浓雪花味嘅安格斯极佳级精修肥牛，食起嚟滑一滑，仲可以拣肉味香浓嘅安格斯牛板腱，肉质方面都好有水准㗎！我最钟意就系安格斯牛板翼，略带雪花牛肉味又够，两者之间嘅平衡最好所以最好味😍除咗牛肉仲有好多唔同嘅海鲜款，例如有日本广岛蚝、海虾、沙白蚬、鲜脆鲩鱼肉、鲜脆鲩骨腩、鱼头，我梗系样样都食晒啦😆日本广岛蚝真系够晒鲜甜肥美，蚝味香浓令人满足仲要无限encore，肉质爽实生猛嘅海虾都系必叫item!