影片
更多
2016-11-09
2009 浏览
约咗表姨甥女食饭，倾开偈，原来喺未同佢一齐食过蚝，今晚拣嚟湾仔嘅The Oyster House就啱晒，可以试少少即开生蚝，又试到其他高质素菜式，对上一次嚟都成年前嘅事，仲记得佢哋啲菜式做得甚有水准。正如年前嘅食评所讲，虽然食物、招呼都好，环境又够气氛，但始终枱与枱之间都喺太密，我哋同隔离枱差唔多喺「世界零距离」，加上是夜真喺爆场，客满九乘多，感觉喺更似与隔离食客同枱。「幸而」，嚟嘅都喺斯文客，隔离又喺一家外国人，佢唔知我哋讲乜，我亦听唔清佢哋倾乜，感觉先无咁有骚扰性。翻一翻餐牌，印象跟旧年嚟大致无乜点大变，菜式都喺以意大利菜为主，分类包括：新鲜生蚝、海鲜拼盘、餐酒、厨师精选菜式、前菜及小食、沙律、自家制意大利面、主菜、薄饼、甜品、饮品……等等。意大利香草包等待上菜之时，侍应先送嚟一小篮意大利香草包，枱上已备有黑醋及橄榄油供客人使用，香草包好有香草香，但个人稍嫌个包质感比较松散，讲笑咁讲似蛋糕多啲。生蚝拼盘睇番前页，足有十多款生蚝，不过，侍应话未必样样齐，会祝乎供应及来货质素，唔靓都唔会卖俾啲客，费事做坏招牌。如果对蚝认识唔深嘅朋友，大可以请教店长俾啲意见。顺带一提，依度开蚝会帮手去埋
正如年前嘅食评所讲，虽然食物、招呼都好，环境又够气氛，但始终枱与枱之间都喺太密，我哋同隔离枱差唔多喺「世界零距离」，加上是夜真喺爆场，客满九乘多，感觉喺更似与隔离食客同枱。「幸而」，嚟嘅都喺斯文客，隔离又喺一家外国人，佢唔知我哋讲乜，我亦听唔清佢哋倾乜，感觉先无咁有骚扰性。
翻一翻餐牌，印象跟旧年嚟大致无乜点大变，菜式都喺以意大利菜为主，分类包括：新鲜生蚝、海鲜拼盘、餐酒、厨师精选菜式、前菜及小食、沙律、自家制意大利面、主菜、薄饼、甜品、饮品……等等。
意大利香草包等待上菜之时，侍应先送嚟一小篮意大利香草包，枱上已备有黑醋及橄榄油供客人使用，香草包好有香草香，但个人稍嫌个包质感比较松散，讲笑咁讲似蛋糕多啲。
生蚝拼盘睇番前页，足有十多款生蚝，不过，侍应话未必样样齐，会祝乎供应及来货质素，唔靓都唔会卖俾啲客，费事做坏招牌。如果对蚝认识唔深嘅朋友，大可以请教店长俾啲意见。顺带一提，依度开蚝会帮手去埋带子位，方便食用，一笃就可以完整将只蚝放入口，此外，佢哋开蚝都干净俐落，无乜碎壳。以柠檬角起计，顺时针，会喺由淡至浓嘅3款生蚝：南非、苏格兰及法国品种。
Rollex $45南非品种嘅「劳力士」，大大只，色泽较白净，蚝肉呈奶白色，口感较为绵滑，海水味亦相对轻，所以，唔会觉得佢好咸，反而有少许甜味。故作为第一只入口嘅生蚝，当喺热吓身，感觉唔错。
Rollex
$45
48 浏览
1 赞好
0 留言
第二只试嘅喺苏格兰石蚝，外观明显跟南非劳力士好唔同，带有黑色裙边，而口感带点弹性，爽爽哋，海水味亦明显强啲，味道会较咸，但蚝味又重啲，整体感觉喺有个性。
Scottish Rock
$48
48 浏览
1 赞好
0 留言
法国嘅Fontendeau（希望无记错佢个串法）喺是日嘅推介（Today Special），样子跟苏格兰石蚝好相似，但口感、味道就好唔同，口感喺非常爽脆，海水嘅咸味亦喺最强，但就有份悠长嘅余韵，食完只蚝，隔多阵嗒吓条脷，都仲有份蚝味。
Fontendeau
$55
31 浏览
1 赞好
0 留言
早前晌一家西餐厅试过一款加入埋风干火腿嘅蕃茄多士，劲回味。今回呢个简单经典版，都唔错，多士烘得十分脆口，如果有涂层牛油感觉更香；蕃茄粒以罗勒、蒜、橄榄油调和，酸香带些微辣劲，喺几令人开胃嘅前菜。
白酒煮蚬扁意大利面 Linguine Vongole $128碟扁意大利面煮得真有一手，啲面条口感啱啱好，柔韧有咬口，而且，充满蒜香，细心睇，唔止有蒜蓉，亦加有蒜片；而蚬肉颇鲜甜，又食唔到有沙，仲渗出轻轻白酒香味。虽然，橄榄油都喺算有益嘅，但我都觉得喺落到啱啱好就够。
白酒煮蚬扁意大利面
$128
23 浏览
1 赞好
0 留言
初时，以为个香煎羊架喺平常见到嘅简单净香煎，原来，喺以「宝云酥」方式处理，即喺加多一层面包糠去做。一客羊架有3枝，而且，件件羊架都几厚身，但煎得恰到好处，外层焦脆，内里肉质粉嫩，入口软腍，羊膻味突出而唔霸道，非常好食。
香煎羊架
$238
33 浏览
1 赞好
0 留言
配菜亦有处理过，唔喺普普通通嘅薯条、杂菜，而喺焗过嘅新薯，皮薄薯味浓，仲有烤过嘅红椒、翠玉瓜同甘笋，都喺啲鲜甜嘅货色。
意大利芝士饼 Tiramisu $56上次嚟曾试过佢哋嘅香蕉拖肥批，今次点都要试吓意大利芝士饼，话晒佢哋都喺以做意菜为主。卖相简单，睇横切面，见到饼底喺以海绵蛋糕嚟做，中层先落手指饼，两者都浸透咖啡酒，入口湿润，充满咖啡香，唯个人就觉得酒味未够重，稍为轻咗。而马卡风芝士打得好软滑，加上面面嘅唂咕，值得评为高水准之作。
意大利芝士饼
$56
44 浏览
2 赞好
0 留言
张贴
