影片
更多
2014-01-29
357 浏览
鲤景湾向有苏豪东之美誉，一个细细嘅鲤景湾，就已有廿多间食肆，西班牙菜、欧陆菜、茶馆、土耳其菜、意大利菜、蚝吧、粤菜、德国菜、京川沪菜、港式、泰国菜、日本菜、法国菜、韩国菜、潮洲菜……等等，可以讲得应有尽有 。依边跟中环嘅苏豪感觉很不同，闲日晚上嚟到，感到好宁静，无晒太喧闹嘅感觉，偶尔晌度跟三五知已食餐饭，闲聊一晚，饭后沿海滨逛一逛吹吹风，可以从紧张沉淀嘅工作舒缓出嚟 。是夜，就跟几位食友嚟到Jack's Terrazza Ristorante，领略鲜蚝配美酒嘅滋味 ！餐厅位处鲤景湾太康街最笃尾，感觉更幽静，一室幽暗嘅灯光及枱上嘅蜡烛灯令环境颇富情调，红白格仔枱布有点怀旧味，上白下啡墙身，配以深啡皮椅及意大利街景油画，一切都嚟得和谐舒服 。 面包篮 晌未入今晚嘅主题，先嚟个面包篮等大家热热身，意大利香草小圆包，暖暖又软熟，搽啲牛油，已静俏俏为今晚「骚蚝」之夜打开序幕 ！无论食咩都好，由淡至浓都喺王道，此外，食蚝配咩酒亦大有学问，唔同产地嘅白酒故然味道不同，蚝同样有唔同特性。小弟对生蚝、餐酒都唔喺咩专家，班门弄斧只会献丑，只喺拾人牙慧分享一下个人体验。餐厅提供几款美酒配生蚝
餐厅位处鲤景湾太康街最笃尾，感觉更幽静，一室幽暗嘅灯光及枱上嘅蜡烛灯令环境颇富情调，红白格仔枱布有点怀旧味，上白下啡墙身，配以深啡皮椅及意大利街景油画，一切都嚟得和谐舒服 。
面包篮 晌未入今晚嘅主题，先嚟个面包篮等大家热热身，意大利香草小圆包，暖暖又软熟，搽啲牛油，已静俏俏为今晚「骚蚝」之夜打开序幕 ！
无论食咩都好，由淡至浓都喺王道，此外，食蚝配咩酒亦大有学问，唔同产地嘅白酒故然味道不同，蚝同样有唔同特性。小弟对生蚝、餐酒都唔喺咩专家，班门弄斧只会献丑，只喺拾人牙慧分享一下个人体验。餐厅提供几款美酒配生蚝嘅建议，人人喜好唔同，无心得嘅大可跟餐厅建议一试。
除咗上述3支酒之外，今晚仲额外多试了一支南澳洲嘅白酒，依几款较清甜嘅白酒或清酒，原来配生蚝嘅效果都好唔错。Pinot Grigio DOC 2011（意大利白酒）
出羽樱出羽灿灿纯米吟酿酒（日本清酒）
Castellengo Prosecco N.V（意大利白酒）
Milton Park Chardonnay 2011（南澳洲）
几款白酒酒精浓度都喺11%-12.5%，都易入口，喺枝清酒高啲啲去到15.8%，但小酌一杯半杯都可以。个人较喜欢Castellengo Prosecco N.V，除咗佢喺较低只有11%之外，饮落感觉额外清爽，有点点果香。
今晚，餐厅亦拣嚟5款时令生蚝配此等美酒，又睇睇擦出咩火花先！由淡至浓顺序品尝嘅5款生蚝有：Scottish Oyster、Irish Rock、Australia Coffin Bay、Fine De Claire同Gillardeau，呎吋、形状、质感、味道都各有特色，但要能够细致去辨别佢哋嘅质感及味道，实在唔容易，能一次过品尝兼领略其固中分别，实在喺一次难得嘅饮食体验 。
Scottish Oyster $50 苏格兰蚝每只约3吋长，较阔身，体形大，肉厚汁多，肉质非常鲜甜，有少少爽脆嘅口感。
Irish Rock $50依款爱尔兰石蚝跟苏格兰蚝大细差唔少，窄身小许，肉质亦较薄，海水咸味重啲，好似跟食苏格兰蚝差唔多。
Australia Coffin Bay $45体形跟其他生蚝比，细咗半个码，每只约2.5吋长，较圆润，海水味浓，质感挺爽脆。
Fine De Claire $50两款法国蚝都较为大只，有3.5吋大，其中一款Fine De Claire肉质似乎较实净，而且咁多款之中应该喺最咸嘅一款。
Gillardeau $55 另一款法国蚝，海水咸味过后，蚝味相对较浓，而且肥大肉厚。
人人食嘢嘅感觉都唔同，可能你食出嚟嘅味道跟小弟唔一样，但最重要都喺可亲身体验。上述几款蚝都丰满肥腴、鲜甜味美，而个人而言，就较喜欢海水味淡啲，蚝味悠长啲嘅生蚝，所以，似乎法国蚝Gillardeau合自己喜好。下篇再分享其他意国美食 ！
张贴
