影片
更多
2014-01-29
266 浏览
承接「上篇」，嚟到有苏豪东美誉之鲤景湾嘅Jack's Terrazza Ristorante，分享咗体验鲜蚝配美酒嘅「味力」，等阵落嚟嘅「下篇」，「蚝」情过后，就喺一轮「意」恋 。以生蚝作为头盘，之后再有沙律、薄饼、意粉及意大利饭等多款意国美食，最尾又点少得意式甜品呢！ 地中海快烧生吞拿鱼柳伴火箭菜车厘茄沙津（Insalata Di Rucola Con Tonno Scottato） $138 眼前依份沙津喺店方已帮我哋分好，正式嘅份量又点会咁细份吖，大概喺依份嘅4倍左右。吞拿鱼柳虽然炙烧过，但口感跟食鱼生无乜分别，只喺外围蘸满香草及黑椒碎，鲜味中多份香草及辣味；而带苦嘅火箭菜以芥末蜜糖汁捞过，甜甜哋，不过，我更钟意上次晌湾仔店以柠汁、橄榄油及意大利黑醋嘅效果，更清新醇香。 四季芝士薄饼（Quattro Formaggio） $128 上次晌湾仔店未有机会试到大厨做薄饼嘅手势，今次可以试到实在开心。四季芝士喺厨师推介，当然有一定特色。手搓批底，口感薄脆，用上4款芝士：Gorgonzola、Gruyere、Camembert及Mozzarella，虽然唔喺款款芝士都认识，但
以生蚝作为头盘，之后再有沙律、薄饼、意粉及意大利饭等多款意国美食，最尾又点少得意式甜品呢！
地中海快烧生吞拿鱼柳伴火箭菜车厘茄沙津（Insalata Di Rucola Con Tonno Scottato） $138 眼前依份沙津喺店方已帮我哋分好，正式嘅份量又点会咁细份吖，大概喺依份嘅4倍左右。吞拿鱼柳虽然炙烧过，但口感跟食鱼生无乜分别，只喺外围蘸满香草及黑椒碎，鲜味中多份香草及辣味；而带苦嘅火箭菜以芥末蜜糖汁捞过，甜甜哋，不过，我更钟意上次晌湾仔店以柠汁、橄榄油及意大利黑醋嘅效果，更清新醇香。
四季芝士薄饼（Quattro Formaggio） $128 上次晌湾仔店未有机会试到大厨做薄饼嘅手势，今次可以试到实在开心。四季芝士喺厨师推介，当然有一定特色。手搓批底，口感薄脆，用上4款芝士：Gorgonzola、Gruyere、Camembert及Mozzarella，虽然唔喺款款芝士都认识，但放在一齐，芝士烘得份外软熟之余，散发嘅香味感觉宁舍香浓 。
露笋、杂菌忌廉汁烩意大利饭（Risotto Alla Funghi E Asparagi） $148 上次已试过佢哋啲意大利饭，知道喺高水准之作，所以今次又有意大利饭食，殷切期待。果然，都无令小弟失望，意大利饭煮得湿润烟韧 ，杂菌忌廉汁浓浓菌香，黏杰啱啱好，每粒米粒都沾满汁 。
牛肝菌、杂菌、烟火腿蕃茄酱烩尖通粉（Penne Alla Boscaiola） $98起比个薄饼及意大利饭，个人觉得个尖通粉食落印象无咁深刻，虽然蕃茄酱令尖通粉食落酸香鲜活，又拌有牛肝菌、杂菌、烟火腿等配料，可能酱汁只喺紧紧够，食起嚟通粉有点点干身嘅感觉！
意大利云呢拿朱古力雪糕（Cassata） $58 意大利芝士蛋糕（Torta Al Tiramisu） $58
今之两款甜品中，以意大利云呢拿朱古力雪糕较为好食，因为挺实有质感嘅云呢拿朱古力雪糕中，加入一啲干果，有咬口；相反，意大利芝士蛋糕似喺正正从雪柜拎出嚟，唔单入口冰冻，就连马卡风芝士及海绵蛋糕部份食落都好似食紧雪糕咁冰冻 ，实在令人有啲疑问 。
鲜味嘅生蚝，再配合美味嘅意菜，就算唔喺与佳人共渡，三五良朋，亦可把酒谈天，细味人生！
张贴
