緣聚

营业中

休息中

同闺蜜去元朗影簕杜鹃，影完喺附近揾个地方食晚饭，见呢间放题都好抵食就拣佢。店舖要落楼梯入去，店内感觉宽敞舒服，我哋选择加$190升级，多咗生蚝、饮品食品都多咗选择。首先叫饮品，啤酒非常之好饮，上面有少少冰好特别。先嗌两只生蚝试吓，试过好食肥美鲜味又爽身，于是追加咗10只大部份俾我食咗。试咗几种手卷，包括：海胆、香葱吞拿鱼腩、软壳蟹，件件质高美味。刺身叫咗赤虾、带子、甜虾、吞拿鱼......其中黑鲷肉质透亮好新鲜，中拖罗配酱油脆脆油润好味，其他闺密食完话味道鲜美。牛油烧海虾食完又再叫多士香脆鹅肝甘香，烧菠萝香甜开胃羊架香口有羊味软壳蟹粥又系推介之选，粥底绵绵又香又滑。最后一定要食呢个鲷鱼烧，鲷鱼烧系红豆馅，用吉士奶黄垫起，外脆内软，甜度适中。另外店内仲有各式雪条等甜品提供，不过我哋太饱就无食啦。