星海．譽宴 (The ONE)

营业中

休息中

尖沙咀都有几多酒楼选择，有一日去咗尖沙咀 the One 饮茶。酒楼够晒大又靓，而且仲有舞台好适合婚宴。一坐低，点心纸嘅点心款式都有好多，我哋叫咗蚝皇原只十头鲍鱼酥，真系值得一试。挞皮酥脆、又够大件，鲍鱼煮得啱啱好，好好味。接住嚟，我哋试咗南乳粗斋煲，呢道菜用咗多种蔬菜同豆腐，全部材料都渗透咗南乳嘅独特香味。有套餐系烧腩仔+炒面，烧腩仔皮脆肉嫩，脂肪分布均匀，咬落去既有口感又唔会太油腻。炒面煮得刚好，好大碟，唔会过火。黑鱼子蟹肉凤眼饺系三件一份。呢个点心真系别具一格，外形精致，内馅丰富。蟹肉鲜甜，配埋黑鱼子嘅独特风味，好夹。