蠔站 (樂富廣場) (已結業)

生蠔係一個會令人著迷嘅食物，遇著糧尾又想食蠔，Oyster Station幫到你～一打十二隻蠔都係$120咋，仲要係時令嫁，佢知道邊款靚先入，今次食到嘅係Ireland嘅Harty. 一來唔會好咸海水味，十分鮮甜，好多隻都脹卜卜，叫左打半都係$180,過足口癮！ 就咁食蠔咁dry,都叫左個沙律同小點綴吓～香芒牛油果大蝦沙律 $108芒果粒粒大粒，新鮮結實又夠香口，牛油果和新鮮沙律菜一齊食原來係咁夾，牛油果好creamy加少少胡椒同鹽一齊食，提升美味感！大蝦肉厚，爽口👍炸啤酒味薯條 $58雖然無咩炸啤酒味，但鍾意佢薯件夠粗夠大條，邊食生蠔連粗薯條食好過癮！