肥姐蠔餅婆

营业中

休息中

一个悠闲嘅黄昏时段，经过人来人往嘅教育路，徘徊紧去B仔度吉串鱼蛋定系肥姐度食炸蚝饼之际，最后因为午餐食唔饱，都系去食炸蚝饼比较满足，由于时间尚早，排队嘅人只有小猫三四只，好快就到我点嘢食，其实喺元朗住左咁耐，都未食个肥姐嘅炸蚝饼，讲起上黎都有啲惭愧，最后买咗一份炸蚝饼，盛为＄28 ，站立堂食。炸蚝饼皮脆内软，蚝仔大粒，可以叫做蚝哥，唔系蚝仔，同埋冇平时食炸蚝饼𠮶种好厚嘅粉浆感觉，加埋泰式嘅酸辣酱，酸酸辣辣嘅炸蚝饼特别惹味，唔钟意食芫荽嘅朋友，点餐嘅时候记得同佢讲走芫荽，临走前仲要买返一支$25 嘅五花茶中和炸蚝饼𠮶种嘅热气，减低自己嘅罪恶感。