賀喜 (美孚新邨) (已結業)

好耐无食日本野，但系两个鸡仔胃又唔想食放题，揾左间日式小店撑下枱脚。入去坐低，侍应十分有礼貌👍🏻餐具有店舖名，虽然甩甩地，即系有番咁上下历史。餐牌入面选择好多，睇到花多眼乱😂先黎一份刺身，有我最爱嘅帆立贝同埋甜虾，好鲜甜。再嚟一个寿司set，刺身同饭嘅比例啱啱好，再配上芥末豉油，正。呢只蚝，我可以独享😍系我最爱嘅海水味，但系都无损只蚝既鲜甜味😍😍😍好似我最爱嘅fine de Claire 😍套餐既面豉汤，唔太咸👍🏻再嚟过叉烧蛋包饭，切开中间仲有少少系滑蛋，入边嘅叉烧切到大小刚好，而且10分足料👍🏻呢个师傅亲手制嘅南瓜露甜品，真系不得之了咁好食！难得我朋友唔钟意食南瓜嘅，都食晒。