岸久巿場 (已結業)

设于厚福街呢条食街既『H8』，成幢都系食肆 ，要突围而出确实唔容易。但呢间新开既「岸久市场」都吸引到唔少顾客，原因也许是CP值高，品质唔错，而价钱亦比同类型食店较低。装潢唔算特别，但就好有日式居酒屋既atmosphere，周围都贴左好多水产既详细介绍，食客可边睇边食，还能长知识。刺身四点盛合 - 三文鱼，油甘鱼，帆立贝，以及甜虾刺身。刺身整体新鲜鲜甜，例如油甘鱼较为厚实，油香味重，十分甜美，三文鱼更系无人不喜爱。味噌蟹甲罗烧 - 甲罗烧即系将蟹丝，味噌，香葱放系蟹壳搅匀黎烧制，但呢度仲加左好多蟹籽同蟹柳，口味浓郁之余，亦有蟹籽既爽脆口感同甜美，几好食。芝士玉子烧 - 半熟玉子非常幼滑，蛋香适中，夹心有大量流心芝士，cheesy之余，但又唔会太腻，$48算系好抵食！烧魔鬼鱼翅 - 有少少似烧鸡泡鱼干，但味道更为香口，鱼翅位置烧得脆香。