真知味 (已結業)

一班女人去花园街，除左买衫外，就梗系要扫街啦！系呢头有不少街头小食，最衰就无咁多个胃食哂全部，但真滋味既鱼皮饺烧卖就系必食既。第一次食呢个鱼皮饺烧卖已经系7、8年前，记得味次第一次去花园街，行到中途朋友表示要医下肚，就带左我去食，平时对鱼皮饺无特别太大兴趣，见朋友食到舔舔脷，当然唔执输试一串，点知真系好好食，最重要系佢个辣汁，咸咸地又唔太辣，有少少咖喱味的感觉，鱼皮饺就同一般打边炉果啲一样，无咩特别，但两样拼埋一齐就系正啦！