元気寿司 (已結業)

一心想食寿司，因只要手机一按元气寿司App就可以啰位，非常方便，所以就相约朋友到元气寿司晚餐。闲日等位的人不算多，而且回转Bar台亦有位，但因我们二人想坐卡位，空间较为宽敞，所以要再多等15分钟。每次食寿司，就好似行街血拼一样，狂点狂食!寿司好快就到，而且一次过上枱，多到密密麻麻，好丰富，望见都好开心 最值得推介系炙烧系列的炙烧黑烧三文鱼，三文鱼烧得软软淋淋，入口即溶的感觉，配合洒上的黑椒及沙律酱，黑椒味道好浓郁，味道随即提升，是每次必点之一!另一炙烧黑椒海虾，同黑烧三文鱼一样洒上的黑椒及沙律酱，其实味道食落差唔多，不过海虾较爽口，下层的饭亦唔太散。海盐特大帆立贝都算OK~帆立贝厚切大大旧，好鲜味且口感丰富，但海盐唔够多，只食到帆立贝味道。北寄贝就麻麻地，好韧而且非常薄身。至于手卷，我就点左我最爱的软壳蟹手卷，而朋友则点了三文鱼手卷。虽然手卷即到即食，但完全唔热，好似放左好耐咁，紫菜及软壳蟹都唔脆，同牛油果软壳蟹卷一样，入面的软壳蟹淋晒，有点失望 不过整体食物都好好味^^好期待下次再狂点狂食!