津津食店 (已結業)

星期日行大东二东山每一年都会行一次而每次完咗必到呢间道食蟹檬但今日我哋成四点先到佢两点半就卖晒跟住佢介绍我哋食顺化辣鸡檬我哋谂都唔谂一行六人叫咗五碗另外个friend就食咖哩檬星期日独有餐牌顺化辣鸡檬鸡好入味，而且都仲系滑嘅当然唔系最滑𠮶种滑啦辣度就一般般，唔系好辣，都算大碗系好味嘅，不过63蚊嚟讲就系有啲贵朋友食嘅咖哩鸡檬，我冇试过所以唔知不过佢话系好食嘅叫咗小食，肉饼拼扎肉个肉饼味道好特别好爽口，扎肉就正正常常炸鸡翼好脆，不过略嫌有啲过火，有啲干炸云吞好松脆好好食老细请我哋食咗碟虾片佢话喺越南买返嚟，即炸嘅正常也是正常埋单六个人大概 HKD 660讲真如果佢开喺市区，我就真系唔会帮衬价钱真系偏贵，但系呢个某程度上系一啲情意结行完山流完汗，就一定会去呢度食番碗粉做个完美嘅完结心情好，食嘅嘢都会特别好味，而且行完山通常都唔会睇价钱，只会想饮杯冻嘢食碗湿湿的粉爽一下。系好味嘅，不过系贵啲。