金滿庭京川滬菜館 (荷里活廣場)

营业中

休息中

趁住仲未系好热，相约朋友行西贡清水湾一带。行毕，坐九巴91号出钻石山顺便食个下午茶先返归。星期六下午3点左右，有几间比较想去嘅餐厅都要等位。于是去咗呢间唔使等位嘅，始终行完山同做完运动都系一样咁肚饿，唔系好想等。待应畀咗个下午茶餐牌我哋，我哋两个人一人叫一个餐再share嚟食。我叫咗排骨(即系猪扒)面，配玄米茶；朋友叫麻辣水饺，配人参乌龙茶。两款主食味道都唔错，麻辣汤底有少少麻、唔太辣，唔会抢走云吞馅嘅味道；排骨绦即炸，粉浆好脆唔油腻，面就反而食唔倒面粉味。不过每个餐都系$40左右，坐得舒服又唔迫，今时今日真系唔好有太多要求。