四川重口味

营业中

休息中

上星期六同朋友去筲箕湾行山，出发前紧系揾定呢区有咩好嘢食！网上见到呢间四川重口味系新开，之前喺九龙区嘅时候都有食过，味道几好，所以我地就决定喺到食晚餐！去到餐厅，估唔到都几大，有两层！装修雅致，座位阔落好舒服。先来个古法鹅肠皇，哗好爽口！食落麻麻辣辣好开胃，而且蒜香十足，唔错！再来个招牌酸菜鱼，有几款鱼选择，侍应推介桂花鱼，最滑同埋最少鱼骨！一上桌，估唔到又几足料，超大一盘！汤头酸酸味味，我地叫小辣，个辣度都岩岩好，唔会太over！钟意食辣嘅可以叫大辣！鱼肉食落真系好滑，啖啖肉。我地一人叫左碗白饭捞嚟食，劲正！剁椒鱼头呢个真系好震撼，上桌个煲大得好夸张，鱼头份量超劲，铺上大量剁椒！食嚟劲惹味，鱼肉滑溜，底层仲有唔少粉丝同菜，可以捞埋啲汁食，唔错唔错！仲有香脆鱼骨腩 呢个劲推荐鱼肉劲爽口，外层炸到脆薄，味道劲香口，送啤酒真系一流！香辣炒大肠呢个又系大推！大肠炒过后好惹味，火喉十足，肥而不腻！入面仲有唔少配菜，可一齐食更加满足！我哋叫咗两款甜品，桃胶冰粉同埋糍粑。桃胶冰粉食完仲可以养颜，甜度适中，冰粉质感几得意，可以再食多碗！糍粑呢个真系几好味，糯米粉炸得香糯，咬落仲好有弹性，记得要叫！