蔡記小食

营业中

休息中

是日天朗气清，又系行山嘅好日子，来到南丫岛，梗系要医咗肚先开始行啦。蔡记小食位于榕树湾，系行去索罟湾必经之路，一定唔会错过。餐厅主打面食，亦有碗仔翅及鱼蛋等小食，总有一样啱食。我地叫咗一碗车仔面，碗仔翅及煎豆腐。车仔面拣咗鱼蛋，猪皮及萝卜，面要幼面。份量都几大碗，鱼蛋同一般车仔面舖食到嘅小鱼蛋唔同，比较大粒同软身，食落都算弹牙，猪皮爽口但唔够味，萝卜鲜甜但略嫌过淋。碗仔翅材料足够，但可惜唔够杰身，味道亦非常淡，绝对有改进空间。煎豆腐即叫即煎，一碟有五件，豆腐煎得香口，但鲮鱼肉较薄，建议可以整返厚少少，咁味道就无咁单调。