旺記冰室 (大本型) (已結業)

好耐都冇行大本型啦，今日行开先发觉系food court隔离原来有间新铺-旺记冰室。睇得出呢间铺嘅装修都系几有主题，而呢只嘅木色亦都系我屋企装修嘅主色，所以一睇即合，虽然前面有几个人，但系安排得好快，唔洗3分钟就有位坐啦。唔够三分钟，就到我排前面啦。系等候嘅时间，我不忘立即手机search下openrice呢间野有咩好推介，一打开个食评个到，个个都推介呢个“滑蛋叉烧虾仁”，我梗系都唔执输啦，叫左呢个餐同杯热柠茶。个餐牌仲有中英文，唔似得有地餐牌系中英文咁一版睇晒，搞到要睇英文个阵，地英文字就细到要用放大镜先睇得到。准备拎定d餐具等开餐啦，排列都算尚可整齐同干净。唔洗5分钟，登登登登，主角登场 色泽好靓，好juicy咁嘅款，虾仁都好大粒，食落去仲谂住会唔会太咸呢，但原来唔会，系甜甜地，叉烧都好新鲜，松化，唯一不足的就是蛋唔知系咪被甜所遮盖，冇乜蛋味咁。食过呢d咁juicy嘅野，固然唔少得嘅就系饮返杯柠檬茶黎中和下最后埋单，只不过系啱啱好60蚊。