影片
更多
2023-01-28
184 浏览
餐厅：R&Y's International Cuisine (大埔)地址：大埔汀角路大尾笃村145号地舖假日用大概2个钟头由大埔行到去大尾笃，全程差唔多10公里，下午4-5点钟开始行，天气凉凉哋其实几舒服❄️，仲可以欣赏埋日落美景🌄，行到去6-7点有啲肚饿，梗喺要食返餐好嘅奖励吓自己啦😌大尾笃村呢间R&Y's International Cuisine @ry_internationalcuisine 喺一间家庭式经营嘅西餐厅🍽，R&Y代表住店主同店主妈妈嘅名，而5星级大厨爸爸亦坐镇为客人精心烹煮各款西式美食👨🏻🍳餐厅唔算好大，大约有20个座位，位于一幢单幢式住宅地下，闲日夜晚嚟到都有几枱客人。餐厅最近全新推出咗一个5-course Dinner Set Menu，承惠每位$468，包括餐包、餐汤、前菜、主菜、甜品同饮品☕️，食完都几饱足，有气有力嘅仲可以行返去大埔𠮶边散吓步倾吓偈🤓先嚟餐包，估唔到份量都几多🤣，包括两大块葱油薄脆饼同六件香脆蒜蓉多士，多士所用嘅蒜蓉牛油喺自家制，唔会好重牛油令人食到好腻🧈，配埋加咗黑松露油嘅干邑野菌浓汤一齐食，索汤之余仲更加滋味香浓😋，喺个几好嘅开始之
地址：大埔汀角路大尾笃村145号地舖
假日用大概2个钟头由大埔行到去大尾笃，全程差唔多10公里，下午4-5点钟开始行，天气凉凉哋其实几舒服❄️，仲可以欣赏埋日落美景🌄，行到去6-7点有啲肚饿，梗喺要食返餐好嘅奖励吓自己啦😌
大尾笃村呢间R&Y's International Cuisine @ry_internationalcuisine 喺一间家庭式经营嘅西餐厅🍽，R&Y代表住店主同店主妈妈嘅名，而5星级大厨爸爸亦坐镇为客人精心烹煮各款西式美食👨🏻🍳
餐厅唔算好大，大约有20个座位，位于一幢单幢式住宅地下，闲日夜晚嚟到都有几枱客人。餐厅最近全新推出咗一个5-course Dinner Set Menu，承惠每位$468，包括餐包、餐汤、前菜、主菜、甜品同饮品☕️，食完都几饱足，有气有力嘅仲可以行返去大埔𠮶边散吓步倾吓偈🤓
先嚟餐包，估唔到份量都几多🤣，包括两大块葱油薄脆饼同六件香脆蒜蓉多士，多士所用嘅蒜蓉牛油喺自家制，唔会好重牛油令人食到好腻🧈，
配埋加咗黑松露油嘅干邑野菌浓汤一齐食，索汤之余仲更加滋味香浓😋，喺个几好嘅开始
之后送上一碟有三样前菜嘅拼盘，当中有烟三文鱼配芥末蛋黄酱、36个月风干火腿配橄榄油、红菜头汁伴大虾🦐，卖相精致而且食材都算新鲜，如果可以配埋杯红酒一齐食应该更加正🍷
主食分别有慢烧走地鸡同芝士牛油焗日本猪扒。
前者以慢烧方式烹煮厚肉得嚟鸡味突出嘅走地鸡🐓，
慢烧嘅方法令鸡只唔会变嚡变老之余，同时可以逼出鸡油，令鸡嘅香味达到极致，唯独个人就觉得略为油腻咗少少🤏，另外加咗小菜苗同埋西班牙好流行嘅小宝石生菜(Gem Lettuce)做配菜🥬，尽情咁吸收晒鸡油精华，钟唔钟意就因人而异😜；
后者将牛油连同巴马臣芝士、面包糠放上日本猪扒上面烤焗形成薄薄香脆外层，丰富咗猪扒嘅层次同味道👍，
虽然猪扒未称得上好Juicy，但肉质软嫩带有少少筋同脂肪，食落猪肉香味浓厚，
另外配上薯饼、菜苗同西兰花🥦，配搭几特别，加上干邑酱汁做配衬，个人认为猪扒唔洗蘸汁就咁食已经好够味🤩
最后送咗每人一件方形朱古力蛋糕同芝士蛋糕，另外叫埋杯Latte☕️，一边叹住Cake同咖啡，一边喺度倾吓偈都几写意舒服🥰
张贴
