翠絲小食車

营业中

休息中

本身谂住排队去玩机动游戏，但见到人太多，加上而家真系好热嘅关系，所以就决定食少少野先至再去玩。本身以为呢度一间餐厅都冇，点知见到个小食亭，所以就走埋去睇吓有咩食，见到有好多唔同好靓嘅嘢食卖，全部有七成都系围绕着呢个主题<反斗奇兵大本营>嘅嘢食，真系好有气氛呀。因为呢度啲嘢食又唔算食得好饱嘅，而且我又唔系好肚饿。所以到最后我只系买咗一杯菠萝沙冰，同埋一条玉桂条，仲有三个奶皇包，奶皇包真系好靓全部系三眼仔嘅造型，开头都唔系好舍得食，但到最后都食晒。个沙冰就比较快溶，所以一买完就要即刻饮，最好食都系枝肉桂条。