喜鳳冰室

营业中

休息中

到旺角上海街買廚房用品，這裏超多選擇，睇到人眼花撩亂，行行吓都冇心機不如醫肚先。離遠見到一間细細冰室喜鳳冰室就決定入去飲杯嘢先，但坐低後睇吓個餐牌又好似幾啱食，最後決定食埋 early dinner 餐牌首頁「去骨海南雞飯 」$70 應該係餐廳嘅主打菜式。碟頭飯形式，下層是香茅飯，海南雞全去骨，鷄皮偏厚咬落不會成口油，雞肉份量足，脾部份比較滑，鷄胸口感差小小，當然配上泰式蒜蓉汁提味就更美味。鹽燒牛脷飯 $60牛脷雖然賣相麻麻地，但係厚切牛脷居然可以煎到外焦香內軟稔，簡單地以鹽調味，又幾好食喎；雖然揀咗蒜蓉汁，但我覺得唔使再點汁都ok 。油菜淥得稔左小小奶茶紅豆冰 紅豆比例相當多，而且入口軟糯香甜；奶茶味和奶比例也不俗，茶味足，甜度啱啱好，我覺得超正，加$8 就可以試到，抵飲！鴛鴦紅豆冰 +$8同店員傾開原來佢哋會搞私房菜$400 位有10 道菜，而且免開瓶費和切餅費，一於mark 佢先。