喜鳳冰室

营业中

休息中

到旺角上海街买厨房用品，这里超多选择，睇到人眼花撩乱，行行吓都冇心机不如医肚先。离远见到一间细细冰室喜凤冰室就决定入去饮杯嘢先，但坐低后睇吓个餐牌又好似几啱食，最后决定食埋 early dinner 餐牌首页「去骨海南鸡饭 」$70 应该系餐厅嘅主打菜式。碟头饭形式，下层是香茅饭，海南鸡全去骨，鸡皮偏厚咬落不会成口油，鸡肉份量足，脾部份比较滑，鸡胸口感差小小，当然配上泰式蒜蓉汁提味就更美味。盐烧牛脷饭 $60牛脷虽然卖相麻麻地，但系厚切牛脷居然可以煎到外焦香内软稔，简单地以盐调味，又几好食㖞；虽然拣咗蒜蓉汁，但我觉得唔使再点汁都ok 。油菜渌得稔左小小奶茶红豆冰 红豆比例相当多，而且入口软糯香甜；奶茶味和奶比例也不俗，茶味足，甜度啱啱好，我觉得超正，加$8 就可以试到，抵饮！鸳鸯红豆冰 +$8同店员倾开原来佢哋会搞私房菜$400 位有10 道菜，而且免开瓶费和切饼费，一于mark 佢先。