彬記粥麵美食 (已結業)

突然想食粽同肠粉， 谂起呢度有间粥面舖就入嚟试下， 叫咗个艇仔粥加皇牌咸肉粽，个粥热辣辣系ok嘅， 冇惊喜但系都总叫入到口，但系𠮶只蛋黄咸肉粽， 个蛋黄细得出奇， 谂住叫皇牌咸肉粽，唔会差得去边啦， 𠮶个蛋黄应该系一半都冇， 肥肉就多。牛肉肠出奇嘅难食， 咁耐都未食过觉得难食嘅肠粉， 最多系冇咁好食啫，呢个牛肠唔滑唔香不特， 做到可以有塑胶嘅质地同埋感觉，真系唔系咁容易........只粽加埋肠粉真系令到之前食咗个碗粥扣晒分。可惜！