鴻運冰廳餅店 (已結業)

因为儿时偶像陈晓东，看了N次行运一条龙，好轻易就认得出个门面招牌上嘅「鸿」字同其他字饱历风霜嘅程度不同，在幻想同当时拍戏换咗个「行」字道具招牌有无关。现实中无电影中咁怀旧，墙上围上粉色或假木纹胶板，墙上没有贴上餐牌，每日特价$42午餐只有一款。梳化卡位私隐度中坐得舒服。其他碟头选择很多，四五十种，$45~75都有，包餐饮，花多眼乱，都未睇哂，姐姐就过嚟落单，问姐姐有咩推介，佢推介炒河，$55左右。去到呢啲老店好惊点菜点得耐会俾人小，所以兵荒马乱中点了黑椒牛肉炒河。点完先有啲后悔想点返常餐。中性打扮嘅姐姐态度好好，上菜后仲会专登过嚟问我「系咪好香呢？」又见佢会同其他客吹水，气氛欢愉。至于系咪真系好香，其实都系正常货仔，但黑椒落得好足，少数茶记黑椒食到真正辣味，但蔬菜有少少唔新鲜，有一两啖会有少少酸馊味。柠茶细杯而且好多冰。整体价钱偏贵。