地茂館甜品

营业中

休息中

探完姪女响九龙城就食埋嘢先返去啦，食咩就梗系由我话事啦，都系我曾经去过食过觉得好食嘅就带阿妈去试吓食完正餐就梗系顺便食个糖水啦，呢间以前经常食亦都经常买外卖返去俾阿妈食，今次我哋都选择买外卖返屋企先慢慢食其实系我有意无意要谂起佢？点解我而家嘅生活完全避唔开佢嘅踪影 但系我又冇理由因为佢而影响到我正常嘅生活，我都系食返我之前食嘅嘢啫，只不过人物唔同咗所以我都系拣返之前食嘅糖水俾阿妈-蛋白杏仁茶，我自己就食薏米腐竹白果加汤圆。其实有啲饱不过原来佢另外加钱都系得两粒汤圆（都大大粒嘅～）水准同以前一样，我觉得啱我哋口味。腐竹白果薏米唔会有一片片腐竹加糖水咁样，而系煲到啲腐竹烂晒同糖水融为一体，咁先好味㗎嘛。有人会加蛋但系我就宁愿加汤圆啦（芝麻汤圆㖞）仍然都系好多人- 堂食同外卖都系。其实明明之前先嬲咗阿妈，嬲佢响我背后讲我不是 最憎佢咁样，但系我又竟然以德报怨😜🤪唉，点都要返屋企冇办法啦。