祥勝茶餐廳

营业中

休息中

因疫情关系已经停办咗三年嘅花卉展今年再度复办，急不及待地第一天开放就要去观赏一下，趁入埸前顺道往大坑区医饱个肚先。呢间餐厅好有街坊feel，坐低之后见好多都系熟客，佢地同店员及厨师都好好倾。一埸嚟到梗系要试下佢好多人赞嘅葱油猪扒饭啦！呢碟葱油猪扒饭（$51）加咗杯冻奶茶（＋$6）一上台只见到大量爆香咗嘅洋葱同青葱铺满成只碟，拨开后见有两件斩咗件嘅大猪扒，下面才系淋咗甜豉油嘅饭，先试佢嘅洋葱，真系爆到又香又甜，再试埋佢嘅猪扒，猪扒外脆内有肉汁唔会死实实，再尝 一口带有甜豉油嘅饭，实在好味到难以形容！杯冻奶茶都够幼滑有茶味，都唔错。呢碗猪扒公仔面系下午茶餐（$34），猪扒都好大件，公仔面就系一般茶餐厅常用嘅大光面，有乜特别。整体觉得佢嘅价钱就算亲民，份量十足，味道都几好，难怪佢有一班熟客棒埸。