甜家

营业中

休息中

食完晚饭好饱，行吓路先返去， 唔搭车， 消化吓~ 行吓行吓， 见到呢间甜家， 真系好， 又可以食 之前已经想食， 一直冇机会。。。。而家机会嚟喇~ 飞云呢间铺仔细细， 都好好service, 好有礼貌，又干净， 一路都有人入嚟买外卖， 真系识货 我一望餐牌， 就见到榴梿系列， 唔驶谂， 即叫话说我本来book咗机票去槟城食榴梿， 但系呢个害人不浅嘅武汉肺炎， 搞到我冇得去旅行， 冇得食榴梿， 罪大恶极！！！！ 所以我一见到榴梿就会叫， 当系慰藉吓我嘅心灵啦。。。坐低一阵， 个榴梿珠珠就送上门， 见到都开心， 好大旧榴梿肉呀~ 呢个榴梿珠珠有榴梿肉，榴梿汁，西米，黑珍珠，水晶珠，云尼拿沙冰， 好多配料， 好丰富~ 真系好好味下次要再食