瓏門小廚 (已結業)

大围火车站一出行过对面右手边街，见到新开揾食市集, 行上去望过以food court 型式唔多吸引就走了，再行前少少见到珑门小厨门口有6,7个人等位，更系望下点解咁多人等，原来系食上海菜就试下啦，进去先同老板娘讲两位，她就比左张人手写的排位纸我，一望我系1号2位，原来门外那些人唔系等位其实系等紧外卖拿走。好快就有客出来，我哋就可以进去坐，细细间店都系用方枱并枱，我哋点了上海排骨+担担面(小辣)套餐$46 (可选菜饭或米线担担面等)，上海排骨炸得够香脆，担担面汤底可以饮到因不会太浓郁，酸辣汤大碗$40 味道够酸不会太辣，小龙包$35有4只，皮厚度适中未算簿但肉汁都够鲜甜，木耳青瓜$35 酸辣味道ok，青瓜够脆口但未够入味，豆浆$8支不会太甜，黑芝麻豆浆$8有芝麻香味，但都系原味豆浆好饮啲，全店无加一最后埋单$176，以街坊小店够经济抵食，整体味道和价钱可以收货啦，唔怪之得门口咁多客等外卖啦。