飯意主題餐廳 (已結業)

餐厅喺旺角广华街，人流唔多但平民餐厅林立，算系旺角一条小小食街。我哋去到餐厅大约两点，店员推介呢个两点后嘅menu【秋夏倾城3重奏】，一个主菜加钱有特饮同小食。特饮系【菠萝特饮+$12】，用一个透明玻璃jar装住嘅菠萝梳打，里面好多大大粒菠萝果肉，夏天见到真系透心凉。咁大杯又多果肉，+$12就饮到，必点之选。小食我哋拣咗【芝士烤大菇$18】。热辣辣嘅大菇上面系烤过嘅半溶芝士，一啖咬落去就出汁，好juicy，配合半溶嘅芝士好滋味。主菜拣咗【蒜香扒大虎虾配脆皮天使面$78】，大虎虾够晒大只但其实虾身几细，虾肉唔多，还好味道不错。脆皮天使面就有特色，面头炸到面饼咁，香脆可口。【安格斯牛汉堡 热熔芝士铁板熔岩蛋浆饭$108】餐厅一大特色系列～店员拎埋个煎pan出嚟，上面系一大兜半热熔芝士，然后即席先将蛋浆倒入热辣辣嘅铁板，再将煎pan入面嘅芝士倒喺汉堡上面。芝士拉丝效果好夸张，镜头都差啲影唔到。芝士同蛋浆捞埋又香又滑，汉堡就稍为干身唔够juicy，但够大件够厚，食完好鬼饱。【即磨咖啡+$7】跟主食+$7就有热饮，用纸杯装真系简约咗啲，不过饮得出系即磨咖啡，味道香浓。