源記車仔麵

营业中

休息中

要揾一碗有水准嘅车仔面，唔好以为响柴湾呢啲旧区就唔难揾，除咗家阵出哂名，我由细食到大嘅财记之外，有风味嘅旧式熟食市场都买少见少，难得源记都仲维持到相当水准，坐室内有冷气，虽然少咗啲地道风味(地下湿滑，乱七八糟，冇冷气果啲呢)，但系可以舒舒服服食碗车仔面，都算唔错。源记嘅车仔面用料足，份量够。每样𩠌都最少有四旧，鱿鱼唔系泡到肉色半透明𠮶啲，而系无浸制过嘅鱿鱼翼，一啲都唔韧。冬菇大大只，不过可能太厚，唔够入味。猪红都唔错，入味啲就仲好(皆因本人重口味)。辣椒酱就不过不失啦，有咸有香都够辣。加埋炸蒜同葱仲有炸虾米，香味十足。个炸鱼皮都唔错, 够脆, 唔太薄, 味道刚好.平民住宅区有度好，食野唔贵，四𩠌一面三十三蚊，港岛区真系冇几多间。至于味道，个汤就梗系唔够老铜60几蚊一碗果啲咁把炮啦，不过样样配料都有诚意，又系街坊生意，如果你咁啱黎开柴湾呢个山卡啦，不妨试下。