櫻羽居

营业中

休息中

一个人夜晚又唔想on居居坐系餐厅到食饭， 最好嘅就系买啲嘢返屋企食，可以着得又舒服之坐得又舒服，又可以做自己钟意做嘅嘢，轻松舒服。行到去第一间铺头就谂住买个鳗鱼饭。点知无货㖞，见到呢一间入到去就见到好多盒装嘅寿司，但系去到买单嘅时候就见到柜下边有啲一件件嘅寿司整好咗，自由组合，好似更加吸引。价钱有4蚊到10蚊不等，所以最后选左食呢一个啦。咁多款寿司我觉得最吸引嘅就系赤虾司，望落去大大件，晶凝通透，成个虾包住哂成个饭，最足料。另外个带子都好鲜甜，仲好厚身，咬落去啖啖肉嘅感觉。芥末八爪鱼都不错， 虽然包住寿司𠮶块紫菜已经林左，但系入面嘅芥末八爪鱼味道做得不错。你间铺头望落去都几大间下，除咗寿司之外仲会有生蚝，可以即开即食。旁边仲会有d位可以坐，嚟个快嘅午餐都ok。