讚好台灣

营业中

休息中

《💛红烧牛肉汤面》🐮呢度嘅所有汤面都有3款嘅汤底可以选择，有鲜蕃茄汤、牛肉汤、同埋麻辣汤。小编就拣咗最正宗嘅配搭，牛肉汤配牛筋腩。牛肉汤味道非常浓厚，虽然有啲油但不会觉得腻，葱蒜味突出，同时带能出红萝卜嘅甘甜。牛肉看似用牛肋条多过似牛腩，因为比较瘦，毫无肥腻感，肉质炆到好腍好入味。滑溜溜牛筋入口即溶。《💛盐酥鸡汤面》🐥🍅小编拣咗蕃茄汤，汤底都几浓，有啲咸多过酸。盐酥鸡有六旧，炸得够酥松，粉浆冇好厚，略嫌唔够热(可能唔系即炸)，味道正常发挥。跟主食+$10可以有珍珠奶茶，味道正常偏好，小编都成杯饮晒，呢个价钱可以接受。整体来讲，餐厅都系街坊价，食物质素唔差，值得一试。