朱哥古早味蛋糕

营业中

休息中

近期爱上食古早味蛋糕，今日系元朗见到呢间「朱哥」，价钱相当相宜， 就买黎止下瘾啦。蛋糕有六款口味，一盒可以选择双拼，有别于一般古早味蛋糕店，半件只系一件嘅一半价钱，唔需要额外加钱，算系相当抵食。原味蛋糕 : 蛋味好香浓，入口相当松软，味道唔会太甜，四款口味中个人最喜欢。朱古力味 : 有别于一般古早味朱古力蛋糕有朱古力粒，蛋糕中间有一层朱古力酱，令蛋糕朱古力味更浓郁，最适合小朋友食。伯爵茶味 : 卖相呈淡茶色，闻落好香伯爵茶味，味道唔太甜，配埋一杯咖啡食就最适合不过啦。抹茶红豆味 : 抹茶味香浓嘅蛋糕，中间夹有一层红豆蓉，卖相吸引，食落茶香中带点甜，味道好有层次。餐厅仲做紧优惠，买一盒蛋糕就会有五蚊现金券，可以下次再买嘅时候用，真系相当亲民。