寶島

营业中

休息中

讲起去#屯门 近海一带食嘢，大家可能会谂到去黄金海岸，或者去三圣食海鲜🦞。但系我哋今次就去到#屯门码头 🚢，试咗一间非常街坊friendly💕嘅小店，而且质素都唔差，仲一次过试到日式🇯🇵、韩式🇰🇷、台式🇹🇼嘅菜色。餐厅唔算好大，分咗两个细细地嘅舖位。我哋就嗌咗🔴日式冷面汁稻庭乌冬配烧大蟹柳($68)、🟠窝烧芝士辛辣面配墨鱼肠($58)、🟤肉燥茄子($28)。日式冷面汁稻庭乌冬配烧大蟹柳🌟🌟🌟简简单单嘅一碗乌冬🍜，大蟹柳的确size几大，炙烧过食落有火炙🔥嘅感觉，同时有蟹柳嘅鲜甜。稻庭乌冬弹牙😬，唔会太腍，配上冷面汁，再加上有调味紫菜同葱粒🥗嘅香味，都唔错。不过就略嫌价钱💸贵咗少少。窝烧芝士辛辣面配墨鱼肠🌟🌟🌟🌟好有部队锅嘅感觉，入面仲打咗只生蛋🥚。一片芝士🧀舖喺面，用筷子🥢将佢捞匀呢个感觉好正。芝士同辛辣面好夹，面嘅口感刚好，而墨鱼肠🦑食落味道同墨鱼丸一样，但系就变咗肠仔嘅外貌🤣。肉燥茄子🌟🌟🌟菜如其名，就系肉燥加茄子🍆。食落味道好台式🇹🇼，系台湾肉燥嘅感觉，调味几好🥳，而茄子似先煎香，再同肉燥炒埋，所以茄子食落有香气 💕。