餃掂手工餃子雲吞專門店

今日经过太子，同朋友想食下饺子，就入左呢间饺掂手工饺子云吞专门店。 入到黎先知原来佢系好受街坊欢迎，因陆陆续续好多人一家大细黎食，呢个情景真系好耐冇见过，系细先见过既熟识感。咁热我地坐底就叫左杯冻既山楂雪梨水，同冻既柠檬薏米水消下暑先。 估唔到好清凉，真系自己煲既感觉。跟住就叫左8只煎既龙凤松茸饺。 未食过呢个味，黎到煎得好靓，咬落真系有好香既松露味，配埋菜脯豆豉酱真系一流。 而且佢既猪肉好新鲜，食落又爽口多汁。仲有佢既重庆鲜肉云吞都好美味，仲以为好细粒，但好足料肉馅，入面仲有少少云耳丝，好开胃。 然后再叫左2个小菜，黄金原味皮蛋，第一次见透明既蛋白，食落冇皮蛋咁浓味，但口感都几好，好Q弹。 而佢地既上汤松茸时蔬都好新鲜，好脆甜既菜芯。 今日真系食到间好正既饺子店。