湯品小棧 (已結業)

喺奥运站行去餐厅，大约十五分钟，唔洗半个钟，都算方便，入到去，店舖好细，虽然麻雀虽小，但五脏俱全，为左个汤，算啦，不过下次最好叫外卖。前菜有泡椒木耳，木耳预先浸落醋同辣椒度，酸酸辣辣既口味好醒胃播，而木耳就够爽。另外仲叫左份上汤水饺，水饺被汤入晒味，馅就充满晒汤既味道，而且大大旧够晒涨。松茸炖汤好大阵中药味，唔系个个都钟意饮，不过我就几钟意，汤中有淡淡既松茸味，汤料有大大旧猪骨，钟意食汤渣既人就啱哂，可以食埋旧猪骨，而成个汤基本上系补身调肝，补肾强身，绝对适合我呢个平时烟酒较多既人。汤跟一个米粉，加埋汤渣同汤食就啱啱好够饱，今日个主角系个汤，个汤够料就满足啦。个汤系几好饮既，如果地点再方便d会更加好，如果有时间，都值得去一去饮个靓汤既。