樂粥本 (已結業)

夜妈妈唔够饱，补一补个肥肚腩，街坊小店不二之选。今次拣左呢间粥店，因为开得比较夜。拣左我既至爱，蛋艇炸两。街坊野，料都系果d，足料最紧要，睇野！一野队落去唔少野系入面。粥底正常，绵滑。料都系正常，猪皮，水尤鱼，牛肉碎。味道普通，属正常出品，但足料系事实。炸两黎讲个人比较喜欢淋淋地，索下d是油。而佢呢个，皮够滑，介乎淋同脆之间，如果硬系要讲都算外脆内软，但脆得黎偏油。最正紧系酱料任落啦，随自己喜爱调味，肠粉黎讲酱料先系精髓所在。总结来说：粥$20属正常价，炸两都系10蚊，系呢个物价高到喊既时代，算好合理。我唔会话呢间抵食夹大件，只会系讲街坊门可以多一个选择。