海南仔東南亞美食餐廳

营业中

休息中

又来大埔揾食了，原本想去食饺子，但去到发现餐厅无开，望到对面有呢间小店，就即管试下啦。餐厅面积比较细，主要做街坊生意，入面每个客都同店员好熟，虽然我去嘅时候已经两点，但餐厅仍然差唔多坐满。顾名思义，呢度主打东南亚食物，星马越泰都有，但亦有提供中餐，够晒多选择。午餐大约四十蚊送汤及饮品，非常抵食。落单后店员好快送上例汤，今日系青红萝卜猪骨汤，汤煲得好出味，萝卜亦好淋，比一般茶餐厅嘅例汤好饮。今日食咖喱牛腩饭，咖喱汁微辣，送饭一流，唔够汁的话可以问店员加，牛腩煮得够淋入味，份量都几多，可惜薯仔只有一大旧，亦煮得唔够淋，食左几啖就要放弃了。