食嘢 (已結業)

今晚约咗个住系大埔嘅旧同学食晚饭，佢带我去「eat野」。我地叫咗4样野，2杯野饮。德国咸猪手 - 我喜欢佢嘅咸度适中，呢个价钱食到猪手，确系少有。蘑菇芝士酿鸡翼拼薯条 - 溶化嘅芝士混入磨菇，加上鸡翼香脆，香口美味。咖哩杂菜 -  好独特嘅咖哩味道，比较重香草味，又几有新鲜感wor。油酥饼配咖哩汁 - 食咖哩一定要配油酥饼，咁先至可以索尽咖哩汁，所以我encore油酥饼。呢个酥饼系几酥脆，索埋咖哩汁简直大满足!Yumyea符碌茶 - 其实系果茶，搅笑嘅名，大杯嘅份量，有几款果肉，抵饮! 黑糖珍珠可可奶 - 要大赞! 呢个价钱有咁大杯，仲要爆多珍珠，抵呀! 珍珠嘅多寡系影响杯饮品嘅甜度嘅，所以黑糖控要注意呀。见佢地嘅甜品好吸引，可惜已经食得好饱，加埋咁大杯野饮，唯有下次先至食甜品啦。